کۆرسی بەخۆڕایی
CSS
بەخێربێیت بۆ CSS Essentials لە Ferbun.
دەست بە فێربوون بکە ← CSS کورتکراوەی Cascading Style Sheets ـە. زمانێکە کە بەکاری دەهێنین بۆ دیاریکردنی ڕووکار و شێوازی ڕێکخستنی توخمەکانی پەڕەی وێب.
HTML و CSS دوو ئەرکی جیاوازیان هەیە. HTML ناوەڕۆک و واتای پەڕەکە دیاری دەکات. CSS یارمەتیمان دەدات ئەو ناوەڕۆکە بە شێوەیەکی ڕوون و جوان پیشان بدەین. بۆ هەر گۆڕانکارییەک لە دیزایندا، پێویست ناکات HTML ـەکە لە نوێوە بنووسین.
CSS تەنها بۆ هەڵبژاردنی ڕەنگی جوان نییە. یارمەتیت دەدات زانیارییە گرنگەکان دیارتر بکەیت، دەق بە ئاسانی بخوێندرێتەوە، بۆشایی گونجاو لەنێوان توخمەکان دابنێیت و ناوەڕۆکەکان لەسەر شاشە ڕێک بخەیت. هەروەها یارمەتیت دەدات پەڕەکە لەسەر مۆبایل و کۆمپیوتەر بە شێوەیەکی گونجاو پیشان بدرێت.
پێویست ناکات هەموو ئەمانە بە یەکجار فێر بیت.
لەم کۆرسەدا لە سادەترین گۆڕانکارییەکانەوە دەست پێ دەکەین و بابەت بە بابەت فێردەبیت و پێش دەکەویت. فێر دەبیت CSS چۆن کار دەکات، چۆن ئەو توخمانە هەڵبژێریت کە دەتەوێت شێوازیان بگۆڕیت، و چۆن ڕەنگ، دەق، بۆشایی، چوارچێوە و ڕێکخستنی پەڕە کۆنترۆڵ بکەیت. دواتر Flexbox و Grid و دیزاینی گونجاو بۆ قەبارە جیاوازەکانی شاشە و هەندێک کاریگەریی بینراوی سادە فێر دەبین.
ئەمە کۆرسێک نییە کە تەنها تەماشای جوانکردنی ماڵپەڕێک بکەیت. فێر دەبیت هەر تایبەتمەندییەکی CSS بۆ چییە، کەی بەکاری بهێنیت، و کاتێک دەیگۆڕیت چی ڕوو دەدات. لە هەر وانەیەکدا نموونەیەکی بچووک هەیە کە خۆت تاقی دەکەیتەوە.
تەنها پێویستت بە دەستکاریکەری دەق، وێبگەڕ و ئەو زانیارییەی HTML هەیە کە پێشتر فێری بوویت.
ئێستا دەزانیت چۆن ناوەڕۆک بخەیتە ناو پەڕەی وێب.
ئێستا فێر دەبیت چۆن بە شێوەیەکی گونجاو پیشانی بدەیت.
بەخێربێیت بۆ Ferbun CSS Essentials.